Jild3,Bil-lihaaz Jild Hadith no:1907,TotalNo:6558

کتاب حدیث
صحیح بخاری
کتاب
خواب کی تعبیر کا بیان
باب
خواب میں دائیں راستے پرچلنے کا بیان
حدیث نمبر
6558
حَدَّثَنَا عَبْدُ اللَّهِ بْنُ مُحَمَّدٍ حَدَّثَنَا هِشَامُ بْنُ يُوسُفَ أَخْبَرَنَا مَعْمَرٌ عَنْ الزُّهْرِيِّ عَنْ سَالِمٍ عَنْ ابْنِ عُمَرَ قَالَ کُنْتُ غُلَامًا شَابًّا عَزَبًا فِي عَهْدِ النَّبِيِّ صَلَّی اللَّهُ عَلَيْهِ وَسَلَّمَ وَکُنْتُ أَبِيتُ فِي الْمَسْجِدِ وَکَانَ مَنْ رَأَی مَنَامًا قَصَّهُ عَلَی النَّبِيِّ صَلَّی اللَّهُ عَلَيْهِ وَسَلَّمَ فَقُلْتُ اللَّهُمَّ إِنْ کَانَ لِي عِنْدکَ خَيْرٌ فَأَرِنِي مَنَامًا يُعَبِّرُهُ لِي رَسُولُ اللَّهِ صَلَّی اللَّهُ عَلَيْهِ وَسَلَّمَ فَنِمْتُ فَرَأَيْتُ مَلَکَيْنِ أَتَيَانِي فَانْطَلَقَا بِي فَلَقِيَهُمَا مَلَکٌ آخَرُ فَقَالَ لِي لَنْ تُرَاعَ إِنَّکَ رَجُلٌ صَالِحٌ فَانْطَلَقَا بِي إِلَی النَّارِ فَإِذَا هِيَ مَطْوِيَّةٌ کَطَيِّ الْبِئْرِ وَإِذَا فِيهَا نَاسٌ قَدْ عَرَفْتُ بَعْضَهُمْ فَأَخَذَا بِي ذَاتَ الْيَمِينِ فَلَمَّا أَصْبَحْتُ ذَکَرْتُ ذَلِکَ لِحَفْصَةَ فَزَعَمَتْ حَفْصَةُ أَنَّهَا قَصَّتْهَا عَلَی النَّبِيِّ صَلَّی اللَّهُ عَلَيْهِ وَسَلَّمَ فَقَالَ إِنَّ عَبْدَ اللَّهِ رَجُلٌ صَالِحٌ لَوْ کَانَ يُکْثِرُ الصَّلَاةَ مِنْ اللَّيْلِ قَالَ الزُّهْرِيُّ وَکَانَ عَبْدُ اللَّهِ بَعْدَ ذَلِکَ يُکْثِرُ الصَّلَاةَ مِنْ اللَّيْلِ
عبد ﷲ بن محمد، ہشام بن یوسف، معمر، زہری، سالم، حضرت ابن عمر رضی ﷲ تعالیٰ عنہ سے روایت کرتے ہیں انہوں نے بیان کیا کہ میں نبی صلی ﷲ علیہ وآلہ وسلم کے زمانہ میں نوجوان غیرشادی شدہ تھا اور میں مسجد میں ہی رہتا تھا، اور جو شخص خواب دیکھتا تو رسول ﷲ صلی ﷲ علیہ وآلہ وسلم سے بیان کرتا، میں اپنے دل میں کہتا کہ یا ﷲ اگرمیرے لئے تیرے پاس کوئی بھلائی ہے تو مجھ کو خواب دکھلا کہ اس کی تعبیر رسول ﷲ صلی ﷲ علیہ وآلہ وسلم سے دریافت کروں، چناچہ میں سویا تو میں نے دو فرشتوں کو دیکھا جومیرے پاس آئے اور مجھے لے چلے، پھر ان میں سے ایک فرشتہ اور ملا اس نے مجھ سے کہا کہ تم خوف نہ کرواس لئے کہ تم ایک مرد صالح ہو وہ دونوں مجھے جہنم کی طرف لے چلے، جو کنویں کی طرح بنی ہوئی تھی اس میں کچھ لوگوں پر نظر پڑی جن میں سے بعض کومیں نے پہچان لیا، پھر وہ فرشتے مجھ کو داہنی طرف لے گئے، جب صبح ہوئی تو میں نے یہ حفصہ سے بیان کیا، حفصہ نے نبی صلی ﷲ علیہ وآلہ وسلم سے بیان کیا تو آپ نے فرمایا کہ عبد ﷲ ایک مرد صالح ہے، کاش وہ رات کو کثرت سے نمازیں پڑھتا، زہری کا بیان ہے کہ عبد ﷲ اس کے بعد رات کو کثرت سے نمازیں پڑھنے لگے-

contributed by MUHAMMAD TAHIR RASHID.